పుస్తకాలు కుప్పలు తెప్పలుగా విడుదల అయిపోతుంటే మనకున్న కాస్త సమయంలోనే వాటన్నింటిని ఎలా చదవడం? సింపుల్. ముందుగా పుస్తకాలను చదివిన వారి అభిప్రాయాలు తెలుసుకుని అంటే పుస్తక సమీక్షలు చదివి ఓ పుస్తకం కొనాలా వద్దా అని తేల్చుకోవడం మంచిది. ఏమంటారు? ఆ విషయంలో మీకు సాయపడ్డానికి ఈ బ్లాగు ప్రయత్నిస్తుంది. చదవండి. ఆశీర్వదించండి…
మీరు చదువుతున్న ఈ ‘చదువు ‘ బ్లాగరుడి గురించి ఈ నాలుగు మాటలు. దుప్పల రవికుమార్ పేరుతో కొన్ని ప్రత్యామ్నాయ పత్రికలకు పుస్తక పరిచయాలు, సమీక్షలు, ఇతర వ్యాసాలు రాస్తుంటాను. రాయడం కంటే చదవడం అంటే ఎక్కువ ఇష్టం. అంతకంటే ఎక్కువగా పుస్తకాలు కొనడాన్ని ఇష్టపడతాను. వారానికొకటైనా పుస్తకం పూర్తి చేయాలని తలంపుతో గత కొన్ని సంవత్సరాలుగా కృషి చేస్తున్నాను. వృత్తిరీత్యా శ్రీకాకుళంజిల్లా టెక్కలిలో ఆదిత్య ఇంజనీరింగ్ కళాశాలలో సాఫ్ట్ స్కిల్స్ ట్రైనరుగా పని చేస్తున్నాను. జాన్ పెర్కిన్సును తెలుగు పాఠకులకు పరిచయం చేసిన కొణతం దిలీప్ సాయంతో బ్లాగులో ఓనమాలు నేర్చుకుని వారానికొకటిగా పుస్తకాలను మిగతా బ్లాగరులైన సాహితీ మిత్రులతో పంచుకుందామని నా ఆశ.
ఇందులోని వ్యాసాలను చదివి మీ అభిప్రాయాలు రాయండి. పాఠకులను పుస్తకాలను చదవమని ఊరించే, రెచ్చగొట్టే, బతిమాలుకునే ఈ వ్యాసాలు అన్ని సాహిత్య ప్రక్రియలపైన వుంటాయి. అభిప్రాయాలను తొలగించడమనే ప్రశ్న ఈ బ్లాగులో ఉండదు. అలాగే వాటికి సమాధానాలు ఇవ్వకుండా ఉండడానికి సాధ్యమైనంత ప్రయత్నిస్తున్నాను.
