సారీ సారీ… ఇంటర్నెట్ నుంచి డౌన్ లోడ్ చేసుకున్నవీ – పుస్తకాకారంలో ఉండనివీ – మరో 100 – 150 అయినా ఉంటాయి.
4. చాలా రోజులుగా చదవాలనుకుంటూ చదవలేకపోతున్న పుస్తకాలు ఏమిటి?
అట్లాంటివి ఏమీ ఉన్నట్టు లేదు. ముందు జవాబులోని డౌన్ లోడెడ్ ‘బుక్స్’ చదవడానికి టైమ్ చాలక, చదవలేకపోతున్నా.
5. మీకు బాగా నచ్చిన రచయితలు ఎవరు? పుస్తకాల పేర్లు చెప్పండి.
బుచ్చిబాబు, చలం, గోపీచంద్, కుటుంబరావు, రావిశాస్త్రి, యండమూరి, టాల్ స్టాయ్…
అల్పజీవి, అసమర్థుని జీవయాత్ర, చదువు, చివరికి మిగిలేది, అన్నా కరేనినా, గడ్డిపరకతో విప్లవం, అంతర్ముఖం, గోదాన్, ఏడుతరాలు, గోపాత్రుడు, ఓల్గానుంచి గంగకు, రైలుబడి, పురూరవ, విరాట్
6. మీ స్నేహితులకు ఈ ఏడాది ఎన్ని పుస్తకాలు బహుమతిగా ఇచ్చారు? మీరెన్ని పుచ్చుకున్నారు?
ఐదిచ్చాను. ఒక్కటి పుచ్చుకున్నాను. (నష్టమే!)
(ఒక జర్నలిస్టుగా వచ్చే కాంప్లిమెంటరీ కాపీలను ఇందులోంచి మినహాయించాను. దాని లెక్కలు వేరు కాబట్టి)
7. ఇపుడున్న పత్రికలలో మీరు నచ్చే పత్రిక ఏది? మెచ్చని పత్రిక ఏది?
నచ్చే పత్రిక ‘హిందూ’. హడావుడి చెయ్యదు. తనదైన మార్గంలో వెళ్లిపోతుంటుంది. నాకు పెద్దగా పత్రికలు చదివే అలవాటు లేదు. కాబట్టి, నచ్చని పత్రిక గురించి చెప్పలేను.
8. జనం ఎంతో సీనిచ్చినా, మీకంతగా నచ్చని రచన ఏది?
బోల్డు. చిల్లరదేవుళ్లు, హిమవర్ష. (ఆ(.. ఇప్పుడు గుర్తొస్తోంది. లాంగ్ బ్యాక్… చండీదాస్ ‘అనుక్షణికం’ చదవలేక, బోరుకొట్టి వదిలేశాను. నిజానికి బోరు కూడా కాదేమో! ఒకలాంటి ఏహ్యభావం.)
అయితే ఈ ప్రశ్నకు జవాబివ్వడం ఇలా కాదనుకుంటా. ఫరెగ్జాంపుల్ ‘కన్యాశుల్కం’. అది చదవడానికి బాగుంటుంది. కానీ తెలుగు సాహిత్యానికి అదో… అదంటే నాకు చీమ కుట్టినట్టయినా ఉండదు. మైదానం క్లాసిక్ అంటారు. నాకు దానితో విభేదాలున్నాయి.
ఈ నచ్చడం, నచ్చకపోవడం మీదే ఇంకొంచెం వివరణ ఇవ్వాలనిపిస్తోంది. చండీదాస్ వి నచ్చలేదని అన్నానా! కాని, ఇన్ని రోజులు గుర్తుంచుకున్నానంటేనే, వాటికి ఏదో ప్రత్యేకత ఉందనేమో! నేను తొమ్మిదో క్లాసులో ఉన్నప్పుడు ‘సమర్పణ’ అనే ఓ అనామక సినిమా చూశాను. అది చూశాక ఏమనుకున్నానంటే, ఇంతవరకూ నా జీవితంలో చూసిన అత్యంత చెత్త సినిమా ఇదేనని. కాని దాన్ని మరిచిపోలేదు. మేకింగ్ పరంగా, ఇతరత్రా ఏ కారణాలతో చూసినా అది నాణ్యమైన సినిమా ఏంకాదు. అయినా అది నన్ను హాంట్ చేస్తూనే ఉంది. ఆఖరికి దశాబ్దం తర్వాత – ఆ సినిమాలోని క్రూడ్ రియాలిటీని నేను అంగీకరించే మానసిక స్థితికి వచ్చాక ఆ సినిమాను, దాని దర్శకుడు లోక్ చందర్ (ఈ మ్మీద ఇంకెవరికైనా ఇలాంటి పేరున్న దర్శకుడు ఉన్నాడని తెలుసో లేదో!)ను గౌరవించడం మొదలుపెట్టాను.
9. ప్రస్తుతం చదువుతున్న పుస్తకమేమిటి?
ఇవ్వాళ పొద్దున మొదలుపెట్టింది – “మహేంద్ర”.
10. మిమ్మల్ని బాగా ప్రభావితం చేసిన పుస్తకాలేవి?
గడ్డిపరకతో విప్లవం, అన్నా కరేనినా. (ఇవి రెండూ నిజానికి నన్ను ప్రత్యేకంగా ప్రభావితం చేసిన పుస్తకలు కాదు. నాలో ఉన్నఏన్నో అభిప్రాయాలను బలపరిచినవి. లేదూ ఇవన్నీ నావే అని నన్ను నాతోనే గుర్తించేలా చేసినవి).
ఈ వారం చదువు ముచ్చట్లు పూడూరి రాజిరెడ్డితో…
Valuable thoughts and advices. I read your topic with great interest.
థాంక్స్ టు ఫ్లూస్ట్.
పూడూరి రాజిరెడ్డితో ఇంటర్వ్యూ బాగుంది. కొన్ని ప్రశ్నలకు చాలా తెలివిగా జవాబులు చెప్పారు రెడ్డిగారు. అన్నట్లు హిమవర్ష పుస్తకం ఉన్నట్లు తెలియదు. బహుశా అది చండీదాస్ ‘హిమజ్వాలేమో’. అన్నాకెరినీనా గురించి పలుమార్లు ఉటంకించడంతో నా గుండె ఉప్పొంగింది. థ్యాంక్యూ రాజిరెడ్డీ!
– గొరుసు
కరెక్టే గొరుసుజీ. అది హిమజ్వాలే! ఎం.వి.రామిరెడ్డి గారి కూతురి పేరు హిమవర్ష. బహుశా అది నోట్లోకి వచ్హిందేమో!
అబ్బ! ‘సమర్పణ’ సినిమా గుర్తుంచుకున్న ఇంకోవ్యక్తి ఉన్నాడన్నమాట! ఆనందం ఆనందం. నాకూ ఆ సినిమా చూడ్డానికి కొంత ఇబ్బంది కలిగినా బాగా గుర్తుండిపోయింది. ముఖ్యంగా హీరో వినోద్ కుమార్ పాత్ర. హీరోయిన్ ఎవరో రంజని అనుకుంటా చూడ్డానికి బానే ఉన్నింది.
సార్ రవికుమార్ గారు,
భావుకుడు, తాత్వికుడు, నా సన్నిహితుడు రాజన్న మాటలు చదివాను. చాలా ఆసక్తిగా అనిపించింది. ఆయన ఇష్టాయిష్టలతో కొన్నితితో విభేదించినా మొత్తానికి అతని సౄజన దాహానికి జై…
ఒహ్! సమర్పణ మీరూ చూశారా మహేష్. హీరోయిన్ పేరు శివరంజని.
good answers.
gud
This may be a co incidence…this very afternoon I received a cheque from Raji Reddy garu for my poem ‘ANTARMADHANAM’ (Sakshi Funday 01 Nov 09), …now that I read his passionate and bold interview. It is bold b’coz he dared to comment on classics like ‘Anukshanikam’, ‘Maidanam’ and ‘Kanyasulkam’. As I spoke to his this afternoon, his voice still rings in my ears….Best wishes to Raji Reddy garu…
మురళీమోహన్ గారూ,
చాలా ఆలస్యంగా మీ పోస్టు చూశాను. మీ కామెంటుకీ, మీ అభిమానానికీ థాంక్స్.